ኅዳር 21: የቅድስት ድንግል ማርያም እና የታቦተ ጽዮን በዓል


እንኳን ለእመቤታችን ቅድስት ድንግል ማርያም ዓመታዊ ክብረ በዓል አደረሳችሁ፡፡

በዛሬው እለት ከማኅበራዊ ድረገጽ ያገኘሁትን ታቦተ ጽዮን ታላቅ ተአምራትን በዳጎን ላይ ማድረጓን የሚገልጸውን ሥዕል ከኢትዮጵያ ኦርቶዶክስ ተዋሕዶ ቤተክርስቲያን በፎቶ የተነሣ ሥዕል በማግኘቴ ላካፍላችሁ በማለት ይህችን ጽሑፍ ጽፌያለሁ፡፡

በቀጣይ ዕትም የእመቤታችን ቅድስት ድንግል ማርያም ሥዕል በስፋት እና በጥልቀት መንፈሳዊ ትርጉምን ከብዙ ምሳሌ ሊሆኑ የሚችሉ ቅዱሳን ሥዕላት ጋር በማስተባበር እንመለከታለን፡፡

“እግዚአብሔር ጽዮንን መርጦአታልና፥ ማደሪያውም ትሆነው ዘንድ ወድዶአታልና፥ እንዲህ ብሎ።ይህች ለዘላለም ማረፊያዬ ናት መርጫታለሁና በዚህች አድራለሁ።አሮጊቶችዋን እጅግ እባርካለሁ፥ ድሆችዋንም እንጀራ አጠግባለሁ።ካህናቶችዋንም ደኅንነትን አለብሳቸዋለሁ፥ ቅዱሳኖችዋም እጅግ ደስ ይላቸዋል።” መዝ 131:13 

“ጽዮን” ማለት “ጸወን – አምባ – መጠጊያ” ማለት ነው:: አንድም በምሥጢሩ “ማሕደረ አምላክ” ማለት ነው:: ጽዮን የሚለው ስም በቁሙ ለቅዱስ ዳዊት ተራራና ለኪዳኑ ጽላት ሲያገለግል በትንቢታዊ ምሥጢሩ ግን ለድንግል ማርያም: ለቤተ ክርስቲያንና ለዘለዓለማዊት ርስት ያገለግላል:: 

Axum Tsion Church

ኅዳር 21 ቀን የእመቤታችን የቅድስት ድንግል ማርያም ዓመታዊ በዓል ነው ብለን በተለየ መልኩ የምናከብርበት ምክንያት፡-

  1. በብሉይ ኪዳን ታቦተ ጽዮን የፈጸመችውን ልዩ ልዩ ገቢረ ተአምራትን ለማሰብ
  2. ቀዳማዊ ምኒልክ ከዐሥራ ሁለቱ ነገደ እስራኤል የበኲር ልጆች ጋር ሊቀ ካህናቱን አዛርያስንና ታቦተ ጽዮንን ይዞ አክሱም የደረሰበት ዕለት በመሆኑ
  3. በሦስት መቶ ሠላሳ ዓመተ ምሕረት በአብርሃ ወአጽብሃ ዘመነ መንግሥት ክርስትና የኢትዮጵያ ብሔራዊ ሃይማኖት ይሁን ተብሎ ዐዋጅ የታወጀበት
  4. ዘካርያስ በተቅዋመ ወርቅ ምሳሌ ራእይ ያየበት
  5. ነቢዩ ሕዝቅኤል በተቆለፈች ቤተ መቅደስ
  6. ዕዝራ በቅድስት ሀገር ምሳሌ ራእይ ያየበት
  7. አብርሃና አጽብሃ በወርቅና በዕንቁ ያሠሩት ባለ አሥራ ሁለት ክፍል ቤተመቅደስ ለመጀመሪያ ጊዜ ቅዳሴ ቤቱ የተከበረበት በዘጠነኛው መቶ ክፍለ ዘመን ዮዲት ጉዲት አብያተ ክርስቲያናትን ስታቃጥል ታቦተ ጸዮንን ይዘው ወደ ዝዋይ ሐይቅ ከተሰደዱ በኋላ ዘመነ ሰላም ሲጀመር አክሱም በነበሩ ካህናት አስታዋሽነት ከዝዋይ ወደ አክሱም የገባችበት ዕለት በመሆኑ በርእሰ አድባራት ወገዳማት አክሱም ጽዮን ከፍ ባለ መንፈሳዊ በዓል እናከብራለን፡፡

የወላዲተ አምላክ አማላጅነት የቅዱሳን ተራዳኢነት ከእኛ አይለየን፡፡

ወስብሐት ለእግዚአብሔር ፡፡

ወለወላዲቱ ድንግል፡፡

ወለመስቀሉ ክቡር፡፡


Photo: ke-gedilat-andebet

             Mahbere kidusan: እመቤታችን ቅድስት ድንግል ማርያምና ታቦተ ጽዮን

Advertisements

ምላሽ ይስጡ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s